QUOTE:
Ä Tännchen please!

Nu passt e mol auf! Dos glaabt mir hier fei keener.
Heit frieh war ich offm Markt bei dor Berta, do kam dor Hofnarr ganz unvorhofft vorbeigerannt wie bleede un schrie wie am Spieß: "Hilfe Hilfe, de Russn komm, iech hobs Franzl gesah!"
Do lief dar nogn offm Markt seine Ringln un trampelt aah noch von dor Elfriede de Eier im. Dovon war dor Joachim aber gar net begeistert... ihr misst wissn, dor Joachim is dor Vorsteher von de Wachn, also die komschen Kriebln mit de langn Lanzn. Als er des geheert hot, do war of e mol glei Ruh offm Markt.
Un do sogt der nogn: "Die miss mer niederditschn!" Un wenn dar dos saad, do meent der dos a su.
Do hot dar glei mol ä Ding eiberufn un do wurd dos da ausgekaschpert. Do hot dor Olaf offm Tisch gehaa un gesaat: "Dos loss mor uns net bieten, do miss mor wos machn." Die annern hom a nischt annersch gedacht.
Morgn in aller Frieh war mor uns mol offm Waach machn un den mal rischtsch en Nischl eidraschn. Un do klopp mor su lange drauf, bis kenner mehr waggelt. Do war mor uns baar Pfaar namm, do sei mor nämmisch schnellor als wenn mor ze Fuß ieber de Falder latschn missn.
Asst fei schie dichtsch reichlich heit Nacht, domit mor morgn beizeiten aufbrachen kinn. Beglickt noch mol eire Fraa, s kennts' letzte Mol gewaasn sah.
Un denkt draa: Eeh mor kloppm gieh, missn de Klamottn reeh sei. Un nammt e Schdickl Sääf miet, domit'er hinnerhar de blutschn Flackn rauskrischt.
Un nu giehts lus hier!